Universitetdən sonra Ə.Qarayev adına klinik uşaq xəstəxanasında həkim-pediatr ixtisası üzrə internatura keçir. 2001-ci ildən etibarən nevropatologiya sahəsindəki ixtisaslaşmasını davam etdirir. Bu dövr onun karyerasında yeni bir dönüş nöqtəsi olur. Vüsalə xanım “Nevropatologiya” və daha sonra “Nevrologiya” ixtisasları üzrə sertifikasiya şəhadətnamələri alır.

İş həyatına 2001-ci ildən başlayaraq Bakı Şəhər Uşaq Bərpa Müalicə Mərkəzində həkim-nevropatoloq kimi fəaliyyət göstərir. Daha sonra Sumqayıt şəhərindəki 1 Nömrəli Uşaq Poliklinikasında, K. Y. Fərəcova adına Elmi-Təqdiqat Pediatriya İnstitutunda və Kliniki Tibbi Mərkəzində nevroloq olaraq çalışır. Hal-hazırda isə Respublika Pediatriya Mərkəzində həkim-nevroloq kimi xidmət edir. Eyni zamanda, 2006-cı ildən Uşaqların Sağlam Gələcəyi mərkəzində də fəaliyyətini davam etdirir.

Vüsalə Rəcəbovanın peşəkar inkişafı yalnız iş mühitində deyil, həm də müxtəlif təlimlərdə və seminarlar vasitəsilə davam edir. Uşaqların sağlamlığına dair erkən müdaxilə, müasir rehabilitasiya texnologiyaları, baş ağrılarının müalicəsi və daha bir çox mövzu üzrə təlimlərdə iştirak edir. Bu, ona öz sahəsindəki yenilikləri izləmək və tətbiq etmək imkanı tanıyır.

Eyni zamanda beynəlxalq konfranslarda iştirak edərək mütəxəssislərlə bir araya gəlir. Burada nevrologiya sahəsindəki yenilikləri müzakirə edir və uşaqların sağlamlığı üçün daha yaxşı həll yolları axtarır.