Avstriyanın Azərbaycandakı səfirinin həyat yoldaşı xanım Tran Thi Khanh Trangın təşəbbüsü ilə Şərq və Qərbi birləşdirən körpülər silsiləsindən ilk tədbir keçirildi. Azərbaycan şairi İmadəddin Nəsimi, onun ədəbi və fəlsəfi fəaliyyəti tədbirin əsas mövzusu idi. Müsahibə formatında qurulmuş tədbirin digər təşkilatçısı USG İctimai Birliyi Erkən Müdaxilə Mərkəzinin rəhbəri Arzu xanım Rüstəmova idi. Tədbirə bir çox səfirliklərin əməkdaşları dəvət olunmuşdu və Nəsiminin adı bir daha xatırlandı və təbliğ edildi, Qərb və Şərqi birləşdirən ortaq mənəvi dəyərlər barədə maraqlı məlumatlar sadalandı.